Қазақстандық биатлоншы Никита Акимов Италияның Турин қаласында өтіп жатқан Универсиадада алтын медаль жеңіп алды, деп хабарлайды Ulyssport.kz Ұлттық олимпиада комитетіне сілтеме жасап.
Ол ерлер арасындағы 10 шақырымдық спринтте үздік атанды.
Мәреге екінші болып швед Кнут Векстрем жетсе, үшінші орынды украиналық Богдан Борковский иеленді.
Айта кетейік, Қазақстан құрамасының еншісінде енді үш алтын медаль бар. Бұған дейін могулшы Анастасия Городко Универсиадада екі рет жеңімпаз атанған еді.
