Руслан Молдыбаев муайтай ұлттық құрама командасының бас жаттықтырушысы болып тағайындалды, деп хабарлайды Ulyssport. Бұл туралы федерация баспасөз қызметі мәлімдеді.
"Қазақстан ұлттық құрамасының бұрынғы бас жаттықтырушысы Елхан Әменұлы Аманқұлов өз еркімен қызметінен кетті" делінген мәлімдемеде.
Айта кетсек, жаңадан тағайындалған бапкер Молдыбаев муайтайдан халықаралық дәрежедегі төреші.
Еске сала кетейік, бұған дейін ҚР туризм және спорт министрлігі дене шынықтыру істері комитеті Олимпиада бағдарламасына кірмейтін спорт түрлеріне жиын өткізген. Оның арасында муайтай федерациясы да бар.
