Қазақстанның әйелдер командасы Харбиндегі Азия ойындарында үшінші жеңісіне қол жеткізді, деп хабарлайды Ulyssport.
Ұлттық олимпиадалық комитеттің мәліметінше, қазақстандық керлингшілер Қатар құрамасын сенімді түрде жеңген. Ойын 11:2 есебімен Қазақстан құраманың пайдасына шешілді.
Бүгін, 11 ақпанда, ерлер командасы да өз матчін өткізді. Алайда Оңтүстік Кореяны жеңе алмады. Қарсыластар 12:2 есебімен басым түсті.
Еске салайық 10 ақпанда Қазақстанның әйелдер құрамасы керлингтен Тайбэй құрамасын жеңген еді.
