Күн қорытындысы: Қазақстан 13 медаль жеңіп алды

Фристайл-акробатика

Қазақстандық спортшылар ерлер арасындағы синхронды секіруде Азия ойындарының чемпионы атанды. Жеңіс тұғырынан Шерзод Хаширбаев пен Роман Иванов көрінді.

Әйелдер арасындағы жарыста Аяна Жолдас пен Ардана Маханова қола медаль иеленді.

Биатлон

10 шақырымдық спринтте қазақстандық Владислав Киреев алтын медаль жеңіп алды. Ал күміс жүлде тағы бір отандасымыз Вадим Куралеске бұйырды.

Қалған қазақстандық биатлоншылар арасынан Асет Дүйсенов – 6-шы, Александр Мухин – 7-ші болып мәреге жетті.

Әйелдер арасындағы жарыста:

• Арина Крюкова – 4-ші,
• Ольга Полторанина – 5-ші
• Дарья Климина – 7-ші
• Полина Егорова – 13-ші орын алды.

Конькимен жүгіру спорты

1000 метрге жүгіруде ерлер арасында қазақстандықтар келесі орындарға ие болды:

• Алтай Жәрдембекұлы – 9-шы,
• Роман Биназаров – 11-ші,
• Артур Ғалиев – 14-ші,
• Никита Важенин – 16-шы.

Әйелдер арасында:

• Надежда Морозова – 7-ші,
• Дарья Важенина – 10-шы,
• Кристина Шумекова – 14-ші,
• Арина Ильяшенко – 16-шы болып мәре сызығын кесті.

Қазақстандық спортшылар жарысты жалғастырып, жүлделер санын арттыруды көздеп отыр.