Оңтүстік Корея құрамасының шабуылшысы Хван Ый Джо заңсыз секс-видео түсіргені үшін бір жылға шартты түрде бас бостандығынан айырылды, деп хабарлайды Ulyssport.
АЙЫП
Түркияның «Аланьяспор» клубының ойыншысы 2022 жылдың маусым-қыркүйек айлары аралығында екі әйелді олардың келісімінсіз жасырын видеоға түсірген. Кейін бұл кадрлар әлеуметтік желіге тарап кеткен.
Сот отырысында Хван Ый Джо өз кінәсін мойындап, өкініш білдірген. Алайда, бейнематериалдарды үшінші тараптың таратқаны анықталған.
ФУТБОЛШЫ
Хван Ый Джо бұған дейін Оңтүстік Кореяның «Соннам» және «Сеул», Жапонияның «Гамба Осака», Францияның «Бордо», Англияның «Ноттингем Форест» және «Норвич», сондай-ақ Грекияның «Олимпиакос» клубтарында ойнаған.
Оңтүстік Корея құрамасы сапында ол 62 матч өткізіп, 19 гол соққан.
Бұл жағдай футболшының мансабына кері әсерін тигізуі мүмкін, алайда ол әзірге кәсіби футболдағы жолын жалғастырып келеді.
