Дзюдодан Линцте басталған дзюдодан Гран Приі турнирінде қазақстандық Абиба Әбужақынова жарысты жеңіспен бастады, деп хабарлайды Ulyssport 1bol.kz-ке сілтеме жасап.
Қазақстан дзюдошысы 48 келіде алғашқы белдесуінде жапониялық Мизуки Харададан басым түсті. Енді ол келесі айналымда Аустрия өкілі Жаклин Спрингермен белдеседі.
Сондай-ақ, Қазақстан құрамасы сапында Толғанай Әбеуова (52 келі), Дана Әбдірова (57 келі) алғашқы айналымда жарысты аяқтаса, 60 келіде Талғат Орынбасар швейцариялық Дэвид Гоштан басым түсті.
Бұдан бөлек, 66 келіде Нұрмұхамет Ботабай неміс спортшысы Ноэль Шмидті қапы қалдырды.
Айта кетейік, Абиба жыл басталғалы бері енді екінші жарысына қатысып отыр.
