Сербияның Ниш қаласында өтіп жатқан бокстан әйелдер арасындағы әлем чемпионатында ширек финалдық жекпе-жектер өтті, деп хабарлайды Ulyssport.
Бұл кезеңге Қазақстан құрамасының он боксшысы жеткен болатын.
Нәтижесінде жартылай финалға өтіп, кем дегенде қола медальді қамтамасыз еткен спортшылар:
- Назым Қызайбай (48 келіге дейін),
- Алуа Балқыбекова (50 келіге дейін)
- Виктория Графеева (60 келіге дейін),
- Аида Әбікеева (63 келіге дейін),
- Наталья Богданова (70 келіге дейін),
- Елдана Тәліпова (81 келіден жоғары).
14 наурызда боксшылар финалға шығу үшін жекпе-жек өткізеді.
Басталуы – Астана уақыты бойынша 22:00.
