Бәсекелестікті қорғау және дамыту агенттігі квазимемлекеттік сектор субъектілерінің жекешелендіруге жататын тізімі жасалатынын хабарлады. Жүргізілген талдау мен экономикалық тиімділікті есептеу нәтижесінде бәсекелестік ортаға беруге ұсынылатын 461 субъект таңдалды, деп хабарлайды Ulysmedia.kz.
Салалар бойынша әр саладағы субъектілер жеке қолға өтеді: ТЭК – 200, өнеркәсіп және индустрия – 20; АӨК – 147; БАҚ, көлік және байланыс – 14, әлеуметтік сала – 76; қаржы нарықтары саласы – 4.
Бұл тізбеге Батыс Қазақстан облысы әкімдігінің 8 техникалық және кәсіптік білім беру ұйымдары кірді, оларды сатып алу құқығынсыз сенімгерлік басқаруға беру ұсынылады. Түркістан облысы әкімдігінің "Сарыағаш" емдеу-Оңалту кешені және басқа да бірқатар ұйымдар осы тізімде.
«Сондай-ақ, 7 футбол клубын жекешелендіру ұсынылады, бұл Қасым-Жомарт Тоқаевтың ұстанымына сәйкес келеді, ол IV Ұлттық құрылтайда облыстық бюджеттерге тәуелді болмай, оларды коммерцияландыру мен дербес қаржыландырудың маңыздылығын атап өтті», - деп хабарлады агенттік.
Айта кетейік, бұған дейін легионерлер бұдан былай Қазақстанда мемлекеттік қаражат есебінен ұсталмайтыны хабарланған болатын.
