Қазақстандық дзюдошы Данияр Шамшаев Парижде (Франция) өтіп жатқан Олимпиада ойындарында өнер көрсетті, деп хабарлайды Ulyssport.kz.
Бірінші жекпе-жекте 1/16 финал кезеңінде 73 келіге дейінгі салмақ дәрежесінде Шамшаев өзбекстандық Муроджон Юлдошевпен кездесті. Екі балуанның күресі аса жарқын сәттерімен есте қалған жоқ. Үш рет ескерту алған қазақ балуаны өзбек дзюдошысына есе жіберіп, жарыстағы жолын аяқтады.
