Орта салмақта IBF және WBO тұжырымдары бойынша әлем чемпионы, қазақстандық боксшы Жәнібек Әлімханұлы (17-0, 12 KO) WBC белбеуінің иесі – доминикандық Карлос Адамеспен (24-1-1, 18 KO) біріктіруші жекпе-жек өткізуге жақын екенін меңзеді, деп хабарлайды Ulyssport.kz.
Әлімханұлы Адамеспен келіссөз жүріп жатқанын растады. Тіпті қарсыласын нокаутқа түсіруге уәде берді.
Vesti.kz мәліметінше, жекпе-жек биылғы шілде айына жоспарланып отыр. Бұған дейін айқастың АҚШ-тың Нью-Йорк қаласында өтуі мүмкін екені айтылған.
Айта кетейік, Әлімханұлы мен Адамес 2024 жылы бір-бір мәрте титулдарын сәтті қорғаған. Ақпанда Карлос Адамес жеңіліп көрмеген британдық Хамза Ширазбен (21-0-1, 17 KO) тең түскен. Осылайша WBC белбеуін сақтап қалған болатын.
Ал Жәнібек Әлімханұлы сәуірде Астанада өткен жекпе-жекте француз Анауэль Нгамиссенгені (14-1, 9 KO) бесінші раундта нокаутпен ұтқан.
