Бурабайда триатлоннан Азия кубогының кезеңі өтті, деп хабарлайды Ulyssport.
Жарысқа Қазақстан, Беларусь, Чехия, Германия, Оңтүстік Корея, Қырғызстан, Молдова, Ресей, Эстония, Түркия, Өзбекстан және Жапониядан келген 120-дан астам спортшы қатысты.
Турнир World Triathlon ұйымының құрлықтық күнтізбесі аясында өтіп, Азия және әлем чемпионаттарына дайындықтағы маңызды кезеңдердің біріне айналды.
Элита санатында ерлер арасында қазақстандық Дарын Қонысбаев 1:46:28 нәтижесімен жеңімпаз атанды. Одан кейін ресейлік Роман Минеев мәреге жетті. Үшінші орынды Германия өкілі Тилль Крамп иеленді.
Әйелдер арасындағы жасөспірімдер санатында Қазақстан спортшысы Диана Ержанова алтын медальға ие болды - 1:08:20. Күміс жүлде - өзбекстандық Диана Биктимировада. Қола медальды қазақстандық Әнел Исабаева жеңіп алды - 1:10:54.
Ал ерелер арасындағы жасөспірім санатында жеңіс тұғыры толықтай қазақстандық спортшылармен толды. Елмұрат Қанай бірінші орынды иеленді. Екінші орын - Илья Крупяковта. Ал Рамазан Айнегов қола жүлдегер атанды.
