28 жастағы Франция құрамасының шабуылшысы Усман Дембеле биылғы «Алтын доп» иегері атанды, деп хабарлайды Ulyssport.
Өткен маусымда ол ел біріншілігінде, ұлттық кубокта және Чемпиондар лигасында жеңіс тұғырынан көрінген еді.
Күміс жүлде «Барселона» мен Испания құрамасының 18 жастағы жас дарынды ойыншысы Ламин Ямалға бұйырды. Жанкүйерлердің басым бөлігі дәл осы футболшыны фаворит санаған болатын.
Осылайша, Усман Дембеле тарихта «Алтын допты» иеленген алтыншы француз ойыншысы ретінде тіркелді.
Еске сала кетейік, «Алтын доп» футбол әлеміндегі ең беделді жеке марапат саналады.
