Спорттық гимнастикадан еркін жаттығудың финалдық сайысы мәресіне жетті, деп хабарлайды Ulyssport
Милад Карими Париж Олимпиадасында спорттық гимнастикадан кезекті финалда бақ сынады.
Еркін жаттығудан ақтық сында отандасымыз финалда 14.500 ұпай жинап, 5-орынға ие болды. Айта кетейік, Милад бірнеше күн бұрын еркін жаттығудың іріктеуінде 14.433 ұпаймен 7-сатыға тұрақтаған.
Карими өзінің алғашқы Токиодағы Олимпиадасында кермедегі және еркін жаттығудан, жекелей көпсайыстан ақтық сынға шыққан. Ол кезде еркін жаттығуда 14.133 ұпаймен 5-орыннан көрінген.
Бүгін Карлос Юло (Филиппин) чемпион атанып, осы спорт түрінен Филиппинге тұңғыш рет алтын жүлде сыйласа , Артём Долгопят (Израиль) күміс, Джейк Джариан қолаға қол жеткізді.
Енді тұтқалы ат снаряды бойынша Нариман Құрбанов финалда өнер көрсетеді.
