Қазақстандық орта салмақтағы боксшы Жәнібек Әлімханұлы WBO және IBF чемпиондық титулдарынан айырылуы мүмкін, деп хабарлайды Ulyssport.kz.
ТОЛЫҒЫРАҚ
Boxingscene.com басылымының мәліметінше, егер Әлімханұлы тыйым салынған зат мельдонийдің оның ағзасына кездейсоқ түскенін дәлелдейтін сенімді құжаттарды ұсынбаса, ол аталмыш титулдарынан айырылуы мүмкін.
2 желтоқсанда Әлімханұлының сынамасында мельдоний анықталған. Допинг-тест нәтижесі оң шығып, 7 желтоқсанда АҚШ-та WBA әлем чемпионы Эрисланди Ларамен өтетін кездесуі тоқтатылған, ал WBO ішкі тергеу бастаған, деп жазады Sports.kz.
Егер Әлімханұлы өзіне қарсы айыптарды жоққа шығара алмаса және кінәлі деп танылса, IBF пен WBO ұйымдары тиісті шара қолдануға мәжбүр болады, бұл оның біріктірілген чемпиондық титулдарына қауіп төндіруі мүмкін.
Әлімханұлы WBO белдігін 2022 жылдан бері ұстап келеді және 2023 жылғы қазанда IBF чемпиондығын қосып, сол кезде жеңілмеген Винченцо Гуальтьериді нокаутпен жеңген.
КОНТЕКСТ
Қазақстандық чемпион Жанібек Әлімханұлы мен кубалық Эрисланди Лара арасындағы жекпе-жек 6 желтоқсанда өтпейді. Әлімханұлының сынамаларынан тыйым салынған зат — мельдоний табылғаны хабарланды.
Бұл деректер жарияланғаннан кейін боксшы ресми мәлімдеме жасап, әрқашан әділ спортты қолдайтынын және сынамалардың нәтижесіне таң қалғанын айтты.
