Қазақстанның бірінші ракеткасы Александр Бублик АҚШ ашық біріншілігінің бірінші айналымында жеңіліс тапты, деп хабарлайды ulyssport.kz
Жерлесімізді әлемдік теннис рейтингіде 72 -орында тұрған Қытай теннисшісі Шан Цзюньчэн жарыс жолынан шығарды.
Бублик 3,5 сағатқа созылған тартысты матчта 21 эйс, 10 қосар қателік жасап, бес сеттің қорытындысы бойынша 4:6, 6:3, 7:5, 3:6, 4:6 есебімен жеңілді. Осылайша жылдың соңғы Үлкен дулыға турниріндегі бәсекесін аяқтады.
Бүгін тағы бір отандасымыз Александр Шевченко неміс спортшысы Доминик Кепферге қарсы ойнайды.
