Бүгін түнде футболдан Қазақстан ұлттық құрамасы Ұлттар лигасындағы екінші ойынын өткізеді. Сырт алаңда Словениямен кездеседі, деп хабарлайды Ulyssport.kz.
Матч Люблянадағы "Сожице" стадионында өтеді. Қазақстандағы уақытпен сағат 23:45-те басталады. Qazsport телеарнасы тікелей эфирде көрсетеді.
Словения – Қазақстан ойынына португалиялық төреші Жоау Пинейра қазылық жасайды.
Топтағы екінші жұпта Норвегия мен Австрия құрамалары кездеседі.
Еске салсақ, топтағы бірінші турда құрамалар тең ойнады. Қазақстан Алматыда Норвегиямен 0:0 есебімен ойнаса, Аустрия мен Словения 1:1 нәтижесімен тарқасқан болатын.
