Еркін күрестен Қазақстан командасының аға жаттықтырушысы әлем чемпионатын қорытындылады, деп хабарлайды Ulyssport.kz.
ҰОК-қа берген сұхбатында аға жаттықтырушы Аслан Байғұлов әлемдік біріншілікті қорытындылады.
– Ризабектің қарсыластарын әлсіз деуге болмайды. Олардың барлығы күшті эшелоннан. Мысалы, ирандық балуан былтыр 20 жасқа дейінгі спортшылар арасында әлем чемпионы атанды, ересектер арасындағы рейтингтік турнирлерге қатысады. Америкалық балуанды да жаман деп атауға болмайды. Хетаг Карсанов та күшті. Алайда Ризабек Айтмұхан бәрінен жоғары болды және қарсыластарына ешқандай мүмкіндік қалдырмай жеңіске жетті. Бұл қуантады. Ризабек әлем чемпионатына дейін жаңа салмақтағы рейтингтік және халықаралық турнирлерге қатысып, Бішкекте өткен Азия чемпионатында жүлделі орынға ие болды. Енді ол осы салмақ дәрежесінде көшбасшылардың бірі екенін тағы да дәлелдеді. "Алтыннан" басқа, биылғы әлем чемпионатында тағы екі медаль алуды жоспарладық. Бұл мақсат Азия чемпионатында өнер көрсеткеннен кейін пайда болды. Бірақ бәрі біз жоспарлағандай болмады. Біздің төрт спортшымыз қола медальдан айырылды, бірақ олардың мүмкіндігі болды, - деді жаттықтырушы.
Бұған дейін қазақстандық балуандар әлем кубогын екі медальмен аяқтағаны хабарланған болатын.
Ризабек Айтмұхан 97 келіге дейінгі салмақ дәрежесінде әлем чемпионы атанды. Камил Куруглиев 92 келіге дейінгі салмақта қола медаль жеңіп алды.
