Жаңадан тағайындалған туризм және спорт министрі Ербол Мырзабосынов небәрі 40 жасында қалай министр болғанын түсіндіруге тырысты, деп хабарлайды Ulyssport.kz.
Ulysmedia.kz тілшісі жаңа министрдің оққағар болғаны жөнінде ақпараттың анық-қанығын министрдің өзінен сұраған.
Мырзабосынов бұл мәліметтер шындыққа жанаспайтынын мәлімдеді.
– Бұл ақпарат рас емес. Егер сіз менің түйіндемемді қарасаңыз, мен жұмысты дене шынықтыру мұғалімінен бастағанмын, университетте оқытушы болып жұмыс істедім, - деді ол.
Шенеунік "оның бүкіл өмірі спортпен байланысты"деп қосты.
– Өмірімнің көп бөлігі спортшы, жаттықтырушы және оқытушы ретінде спортпен байланысты. Содан кейін білім беруде жұмыс істедім, спорт менеджменті бойынша докторлық диссертация қорғадым. Менің бүкіл өмірім спортпен байланысты, — деп қосты министр.
Бұған дейін мемлекет басшысының Жарлығымен Ербол Қуантайұлы Мырзабосынов Қазақстан туризм және спорт министрі болып тағайындалғаны белгілі болды. Тоқаев Олимпиададан кейін бұрынғы спорт министрі Ермек Маржықпаевты қызметінен босатты.
