Boxrec.com сайты жуырда ғана Әлем чемпионы атағын жеңіп алған Ангелина Лукастың (11-1, 5 КО) рейтингтегі орнын қайта өзгертті, деп хабарлайды Ulyssport.kz.
Қазан айының басында Лукас аргентиналық Дебора Лопесті (21-3-1, 1 КО) жеңіп, IBO нұсқасы бойынша супер жеңіл салмақтағы әлем чемпионы атанған-ды.
Осы жеңісінен кейін қазақстандық боксшы BoxRec рейтингінде өз дивизионында 12-орыннан 11-орынға көтерілген болатын. Алайда қазір белгілі бір себептермен 12-орынға қайта түсіп қалды.
Еске сала кетсек, биыл Ангелина Лукас алты жекпе-жек өткізіп, соның бәрінде жеңіске жетті.
Бұған дейін ол кіші WIBF және WBF әлем чемпионы белбеулерін беліне байлаған еді.
