Қазақстандық кәсіпқой боксшы Әбілхан Аманқұл (4-0-1, 4 KO) ұлттық құрамаға қайта оралды, деп хабарлайды Ulyssport.kz.
Қазақстан бокс федерациясының мәліметінше, боксшы ұзақ уақыттан бері жекпе-жекке шықпағанын айтады. Енді бағын әуесқой бокста қайта сынап көрмек.
Кәсіпқой бокста болдым. Бірақ, ол жақта бір жарым жылдай жекпе-жек болмады. Жаттығу жасап жүрдім. Соңғы екі ай демалып, енді міне, ұлттық құрамамен бірге жаттығып жатырмын. Қазақстан чемпионатынан бастасам деген ойым бар, – деді боксшының өзін.
27 жастағы Аманқұл әлем чемпионатының және Азия ойындарының күміс жүлдегері, Азия чемпионатының қола жүлдегері.
Әбілхан 2022 жылдан 2023 жылдың қыркүйегіне дейін кәсіпқой бокстан 5 жекпе-жек өткізіп, төртеуін жеңді (бәрін нокаутпен), біреуінде тең ойнады.
