АҚШ-тың Колорадо штаты, Пуэбло қаласында өтіп жатқан U19 жасқа дейінгі жастар арасындағы бокстан әлем чемпионатында қазақстандық Даниял Райымбеков екінші орын иеленді, деп хабарлайды Ulyssport.kz.
Ол соңғы айқаста валлилік Томас Дэниэл Питтпен өзара алтынды сарапқа салған болатын.
Алтынға таласқан бәсеке 85 келіге дейінгі салмақ дәрежесі бойынша өтті. Нәтижесінде төрешілердің бірауыздан қабылдаған шешімімен Уэльс өкілі 5:0 есебімен алтын медальді қанжығасына байлады. Ал қазақстандық спортшы күміс жүлдегер атанды.
Айта кетсек, алда Қазақстанның атынан Асылхан Көшербаев 65 келі салмақ дәрежесі бойынша өнер көрсетеді.
