Аргентина мен «Интер Майами» командасының шабуылшысы Лионель Месси ФИФА нұсқасы бойынша 2024 жылдың үздік футболшысы – The Best FIFA, сыйлығына ұсынылды, деп хабарлайды Ulyssport.kz.
Үміткерлер тізімінде өткен және қазіргі маусымда Реал Мадридте өнер көрсеткен алты ойыншы бар. Олар: испандық Даниэль Карвахал, уругвайлық Федерико Вальверде, ағылшын Джуд Беллингем, француз Килиан Мбаппе (өткен маусымда француз ПСЖ үшін өнер көрсетті), бразилиялық Винисиус және жазда мансабын аяқтаған неміс жартылай қорғаушысы Тони Крос.
Олардан басқа испандық жартылай қорғаушы Родри, норвегиялық шабуылшы Эрлинг Холанд (екеуі де — ағылшын "Манчестер Сити"), немістің "Байерінен" (Германия) Флориан Вирц, сондай-ақ "Барселонаның" испандық шабуылдаушы жартылай қорғаушысы Ламин Ямал ұсынылды.
Бұған дейін Месси командалық кубоктар бойынша рекорд орнатты деп хабарланған болатын.
