Қазақстандық боксшы Бейбарыс Жексен (60 келіге дейін) Таиландтың Чиангмай қаласында өтіп жатқан бокстан Азия чемпионатының ширек финалында жеңіліс тапты, деп хабарлайды Ulyssport.kz порталы ҰОК-ға сілтеме жасап.
Бұл кезеңде қазақстандық спортшы тәжікстандық Акмал Убайдовпен кездесті. Жекпе-жек төрешілердің шешімі бойынша қарсыластың жеңісімен аяқталды.
Айта кетейік, бұл Қазақстан ерлер құрамасының турнирдегі алғашқы жеңілісі болды.
Таиландтың Чиангмай қаласында бокстан Азия чемпионатының ширек финалдық жекпе-жектері жалғасуда. Olympic.kz мәліметінше 5 желтоқсанда, Қазақстан құрамасынан алты боксшы шаршы алаңға шығатыны бұған дейін хабарланған болатын.
