Қазақстандық боксшы Жанқош Тұраров (28-0, 20 КО) жартылай орта салмақтағы IBO чемпиондық белбеуінен айырылады, деп хабарлайды Ulyssport.kz.
БАСТЫ СЕБЕП
Бұл боксшының әрекетсіздігінен болады. IBO ережелеріне сәйкес, титулды қорғау жылына кемінде бір рет өткізілуі керек. 10 желтоқсанда қазақстандықтың соңғы жекпе-жек өткізгеніне тура бір жыл толады. Дереккөз атап өткендей, бұл Тұраровты чемпион атағынан айыруға себеп болады.
Ол 2023 жылдың наурыз айында мексикалық Алехандро Менесесті (17-6, 10 КО) жеңіп, 10-раундта белбеуін жеңіп алды. Қазақстандық былтырғы желтоқсанда жапондық Акихиро Кондоны (37-12-2, 21 КО) жеңіп, белбеуін қорғаған болатын.
Алайда оның жеңіліп көрмеген венесуэлалық Хесус Корреа Пинтомен (16-0, 16 КО) 28 қыркүйек күні Алматыда болуы тиіс жекпе-жегі өтпей қалған еді.
ЕЛЕУСІНОВТІҢ ЖАҒДАЙЫ
Дәл осындай жағдай тағы бір жартылай ауыр салмақтағы қазақстандық Данияр Елеусіновтің (12-0, 7 КО) басынан өткен еді. Ол 2021 жылдың желтоқсанында IBO чемпиондық белбеуін жеңіп алды, бірақ бір жылдан кейін еш қозғалыс болмауына байланысты одан айрылып қалған.
