UFC: Әлемдік сенсация орнатады деген Иэн Гэрри алғаш рет жеңілді

Бұл турнир Лас-Вегастағы (АҚШ, Невада) T-Mobile аренасында өткен UFC 310 турнирінің басты оқиғасы болды.

ЖЕКПЕ-ЖЕК БАРЫСЫ

Бірінші раундтың соңында Рахмонов оң жақтан оверхэнд әдісімен соққы жұмсады, ол көздегенін тұсқа тигенімен Гэрри ол соққыға төтеп бере алды. 

Екінші раундта Рахмоновта аздаған басымдық байқалды. Бірақ үшінші раундта Гэрри жігерлік танытып, басымдықты өз жағына бұра алды.

Төртінші раундта файтерлер белсенділігін сәл арттыра түсті. Біраз соққы алмасты.

ҚЫЛҒЫНДЫРУ ӘДІСІ

Ал соңғы бес раундта Шавкат ойламаған жерден Гэрридің “қапанына” түсіп қалып, қылғындыру әдісімен жеңіліп қалу қаупі арта түсті. Алайда бұған дейін бірде-бір рет жеңіліп көрмеген Рахмонов намысқа тырысып, ыңғайын тауып, қауіпті жағдайдан сытылып кетті. Есесіне Гэрриді октагонға жығып, біраз сабап алды. Сөйтіп өзінің ұпай санын арттыра алды.

ТӨРЕШІЛЕР ШЕШІМІ

Ал жекпе-жек белгіленген бес раундқа созылып, төрешілердің бірауыздан шығарған шешімімен ортадағы рефери Рахмоновтың қолын көтерді.

UFC-дегі ЖЕТІНШІ ЖЕҢІС

Осылайша, Рахмонов жеті рет UFC жекпе-жегіндегі жетінші жеңісіне қол жеткізді. Сонымен қатар жерлесіміз алғаш рет төрешілер шешімімен жеңіске жетіп отыр, бұған дейін ол барлық жекпе-жекті мерзімінен бұрын аяқтап келеген. 
Ал Иэн Гэрри өзінің спорттық ғұмырында алғашқы рет жеңіліп отыр. UFC-де алшаң басып келе жатқан жауынгерді қазақтың батыры тоқтатты.

Еске сала кетсек, алғашында бұл турнирде Рахмонов жартылай орта салмақтағы UFC чемпионы америкалық Белал Мұхаммедпен (24-3) кездесуі керек еді. Алайда Мұхаммед денсаулығына байланысты бас тартты. Нәтижесінде UFC өзінің қарсыласы ретінде Гэрриді таңдады, ол өз кезегінде бір аптадан кейін, 15 желтоқсанда америкалық Хоакин Баклимен (20-6) жұдырықтасуы керек еді.

Рахмонов соңғы рет октагонға 2023 жылдың желтоқсан айында кірген, ол АҚШ файтері Стивен Томпсонды (17-8-1) мерзімінен бұрын жеңген.