Футзалдан Қазақстан ұлттық құрамасының 2026 жылғы Еуропа чемпионатына іріктеу кезеңіндегі алғашқы ойынын Албанияға қарсы өткізді, деп хабарлайды Ulysmedia.kz.
Ойынның бірінші кезеңінде қазақстандық құрамадан Лео өз мүмкіндігін мүлт жіберген жоқ.
Екінші кезеңде Ақжол Дәрібай 39-минутта қорытынды есепті белгіледі.
Осылайша ел құрамасы қарсыласын 2:0 есебімен тізе бүктірді.
Ел құрамасы алтыншы топта Армения, Дания және Албаниямен шеберлік байқасады. Топ жеңімпазы Еуропа чемпионатына тікелей жолдама алады. Екінші орын алғандардың ішінен 8 үздік құрама өтпелі матч ойнайды.
Іріктеу кезеңі 2024 жылдың 13 желтоқсаны мен 2025 жылдың 12 наурызы аралығында болады.
Ел құрамасы енді 18 желтоқсанда өз алаңында Арменияны қабылдайды.
Ал 2025 жылдың 1 ақпанында сырт алаңда Даниямен ойнаса, одан кейін аталған құрамамен өз алаңында 5 ақпанда шеберлік байқасады.
Сондай-ақ, 7 наурызда өз алаңында Албанияны қабылдаса, 12 наурызда Армения құрамасына қонаққа барады.
Бас бапкер Рикардо Кака Албания мен Арменияға қарсы екі кездесуде тізімге 17 ойыншы енгізді.
