Ал британдық боксшы бұл шешіммен келіспей отыр. Кәсіпқой бокстан аса ауыр салмақта өнер көрсететін украиналық Александр Усик (22-0, 14 КО) британдық Тайсон Фьюриді (34-1-1, 24 КО) қарымта жекпе-жекте де жеңіп, жеңімпазға бұйыратын бес белбеуді алып кетті (WBC, IBO, WBO, WBA (Super) және The Ring), деп хабарлайды Ulyssport.kz.
Бұған дейін қос боксшы биыл мамыр айында алғашқы жекпе-жегін өткізіп, Усик жеңіске жеткен болатын. Бұл жолы да олар 12 раунд жұдырықтасып, төрешілер өз шешімімен жеңісті украиналыққа берді.
Тайсон Фьюридің өзі төрешілер шешімімен келіспейтінін айтты. Тіпті, бірінші жекпе-жекте де өзінің жеңісі ұрланғанын, екіншсінде тіпті масқара шешім шыққанын айтып отыр.
Жалпы, 12 раунд бойы қос боксшы рингте белсенді қозғалды. Тек соңғы үш раундта Усик жылдамдығын арттырып, 12-ші раундта тура соққыларымен көзге түсті. Фьюри болса керісінше, соңғы раундта уақыт өткізуге тырысып, клинчке жиі барды. Осылайша, үш төреші де жеңісті украиналық боксшыға берді, есеп – 116:112.
Бұл – Александр Усиктің кәсіпқой бокстағы 23-ші жеңісі. Ал Тайсон Фьюри болса екінші рет жеңіліп отыр, екі жеңілісі де Усиктен болып отыр.
