Соңғы апталарды «Барселона» Испания чемпионатында мардымсыз нәтиже көрсетіп, алаңдатарлық дағдарысын бастан кешіріп жатыр. Каталониялық клуб күні кеше «Атлетико Мадридті» өз алаңында қабылдап, 1:2 есебімен жеңіліп қалды, деп хабарлайды Ulyssport.kz.
El Nacional-дың хабарлауынша, көрсеткіштердің бұлай төмендеуі команданың Ла Лигадағы қатарынан жеті жеңіске жеткен маусым басындағы деңгейіне мүлде қайшы келеді.
Динамиканың өзгеруінің негізгі факторларының бірі «Барсаның» нағыз тірегі екенін дәлелдеген жас ойыншы Ламин Ямалдың ойындардан шет қалуы болып отыр. Онсыз каталондықтарда қиындықтар туындады: команда 7 матчта мүмкін болатын 21 ұпайдан небәрі 5-ақ ұпай жинады. Жарақат алды ма, ротация болды ма, әйтеуір ол ойыннан тыс қалған сайын команданың ойыны кері кетіп, біраз шығынға ұшырап жатыр.
Қазіргі уақытта вингер тобық жарақатынан айығып жатыр, осыған байланысты каталондықтарға үш-төрт апта көмектесе алмайды.
Шын мәнінде, 17 жасар жұлдызсыз «Барселона» бұрынғыдай тәуір өнер көрсете алмай келеді. Ямал алаңға шықпаған сайын команда сапаны жоғалтатынынан бөлек, команданың тактикалық сызбасына зиянын тигізіп жатыр. Әсіресе, Ламиннің жоқтығы онымен алаңдағы ым-жымы жарасқан Рафинхаға шабуыл өтінде салқынын тигізіп жатқаны анық
«Барселона» қазір 19 матчтан кейін 38 ұпаймен турнир кестесінде үшінші орында тұр.
