10 рет клеткаға шығып, бірде-бірінде жеңіліп көрмеген Дияр Нұрғожай биыл 15 наурызда UFC-дегі алғашқы жекпе-жегін өткізеді, деп хабарлайды Ulyssport.kz.
Дияр Нұрғожай жартылай ауыр салмақ дәрежесінде (93 келіге дейін) өнер көрсетеді. Наурызда Нұрғожай UFC Vegas 104 турнирінде 28 жастағы бразилиялық Брендсон Рибейромен (16:7) жекпе-жекке шығады.
2024 жылдың қазанында Дияр Лас-Вегаста Dana White’s Contender Series турнирінде поляк Бартош Шевчукты екінші раундта нокаутқа жіберген. Сол жеңісі арқылы UFC ұйымымен келісімшартқа отырды.
Дияр Нұрғожай 1997 жылы Алматы облысында дүниеге келген. Спортттағы жолын грек-рим күресінен бастаған, аралас жекпе-жекте мол тәжірибесі бар.
