Қазақстан құрамасы тұңғыш рет семсерлесу спортынан алтын алды, деп хабарлайды Ulyssport.
Құрама спортшысы София Актаева Біріккен Араб Әмірліктерінде өтіп жатқан семсерлесу әлем кубогының кіші кезеңінде жеңіске жетті.
СПОРТ ЖОЛЫНДАҒЫ ҮЗДІК ЖЕТІСТІГІ
Актаеваның жеңісі оның жеке мансабындағы ең үлкен жетістігі болды. Сонымен қатар, еліміздің семсерлесудегі алғашқы алтыны.
Еске сала кетейік, дәл осы турнирде Қазақстан құрамасы командалық есепте қола жүлдеге қол жеткізген болатын. Ол қатарда София Ақтаева, Алена Гноева, Алина Искандерова және Алуа Нұрқанова болды.
Қазақстандық қыздар ширек финалға шығу үшін Австралия құрамасымен тартысып, 45:44 ұпайды еншіледі. Әйткенмен, жартылай Қытай құрамасынан 36:44 есебімен жеңіліп қалды.
Қола жүлдені уыстан шығармау үшін ел құрамасы чехиялықтарды 45:31 есебімен ұтты.
