Бүгін, қаңтардың 12-нен 13-не қараған түні каталондық «Барселона» мен мадридтік «Реал» арасында футболдан Испания Суперкубогының финалы өтеді, деп хабарлайды Ulyssport.kz.
Эль-Класико Сауд Арабиясының Джидда қаласында, King Abdullah Sports City стадионында өтеді және испандық рефери Хесус Гил Манзано төрелік етеді. Басталуы – 00:00. Ойын Sport+ Qazaqstan телеарнасының ресми сайтында тікелей эфирде көрсетіледі.
Жартылай финалда «Барселона» «Атлетикті» (2:0), ал «Реал Мадрид» «Мальорканы» (3:0) ұтты.
Командалар бір-біріне қарсы 258 матч өткізіп, «Реал Мадрид» басым түскен: 106 жеңіс, 101 жеңіліс және 51 тең ойын.
«Барселона» Испания Суперкубогын – 14 рет, «Реал Мадрид» 13 рет жеңген.
Осы маусымда «Барселона» Ла Лиганың 11-ші турында Мадридте «Реалды» 4:0 есебімен жеңді.
«Барселона» соңғы төрт матчта «Реалға» кем дегенде бір гол соқты.
Соңғы 14 Эль-Класиконың біреуінде ғана үш голдан аз соғылды.
