Әлемнің 37-ракеткасы Александр Бублик Australian Open турнирінің екінші айналымына өте алмады, деп хабарлайды Ulyssport.
Қазақстандық Аргентина теннисшісі Франциско Серундоломен өткен матчта 6:7 (1:7), 3:6, 2:6 есебімен ұтылып қалды. Үш сетке созылған кездесуде жерлесіміз допты ойынға қосу барысында 10 эйс, 15 қосар қателікпен көзге түсті.
Кеше Қазақстан ерлер құрамасының тағы бір мүшесі Александр Шевченко әлемнің экс-бірінші ракеткасы Карлос Алькарастан айласын асыра алмаған еді. Енді екі теннисшіміз жұптық сында бірге өнер көрсетеді. Қарсыластары: Ариэль Бехар (Уругвай) мен Роберт Галлоуэй (АҚШ).
