Елена Рыбакина Аустралия ашық чемпионатында қарсыласын екі сетте (6:0, 6:3) ұтты, деп хабарлайды Ulyssport.kz.
Әлемнің 7-ракеткасы Елена Рыбакина екінші кездесуін WTA рейтингіде 191-орындағы америкалық, 17 жастағы Ива Йовичпен өткізді.
Небәрі 1 сағат 20 минутқа созылған матчта Елена Рыбакина 4 эйс орындап, 5 брейк жасады. Ал қарсыласы тек бір ғана брейкпен көзге түсті.
Рыбакина енді төртінші айналымға өту үшін әлемнің 33-ракеткасы, украиналық, 24 жастағы Даяна Ястремскаямен кездеседі.
Бүгінгі жеңіс Еленаның Үлкен дулыға матчтарындағы 50-ші жеңісі еді.
Алдында ойнаған қарсыласым да, бүгінгісі де жасөспірімдер. Екеуін де жарқын болашақ күтіп тұр деп ойлаймын. Келесі жылы әлемдік аренада тағы да кездесетін шығармыз. Күтемін,- деді матч соңында.
Еске сала кетейік, Қазақстанның бірінші ракеткасы Елена Рыбакина 2023 жылы Аустралия ашық чемпионатының финалына шыққан болатын. Өкінішке орай финалда қарсыласы Арина Сабаленкаға (Беларусь) жол берген.
