Қазақстандық теннисші Анна Данилина финляндиялық Харра Хелиоваарамен бірге аралас сынның бірінші айналымында Габриэла Дабровски (Канада) және Сандер Жилле (Бельгия) жұбымен кездесіп, 1 сағат 15 минутқа созылған матчта қарсыластарын 6:3, 7:6 (7:3) есебімен ұтты, деп хабарлайды Ulyssport.
Данилина - Хелиоваара жұбы 2023 US Open Үлкен Дулыға турнирін жеңген болатын.
Осылайша Аустралия ашық чемпионатында қазақстандықтардан жарысты Елена Рыбакина, Юлия Путинцева (жекелей сын) және Анна Данилина жалғастырады. Жасөспірімдер арасында AO Junior турнирінің жеребесі ертең, яғни 17 қаңтар тартылады. Ел намысын Әмір Омарханов пен Заңғар Нұрланұлы қорғайды.
