Қазақстанның екінші, әлемнің 23-ші ракеткасы Юлия Путинцева Аустралия ашық чемпионатының төртінші айналымына өте алмады, деп хабарлайды Ulyssport.
Қазақстандық теннисші үшінші раундта ресейлік Дарья Касаткинамен кездесті.
Алғашқы партияда Путинцева бірінші болып брейк жасап, 3:0 есебімен алда келе жатқан. Алайда қарсыласы екі рет кері брейк жасап, 7:5 есебімен бірінші сетті алды.
Екінші сетте қазақстандық спортшы Касткинаға мүлдем бәсеке бола алмады. 1:6 есебімен ойсырай ұтылды.
Аустралиядағы маусымда Путинцева әлемдік рейтингтегі жеке рекордын жаңартты. Дәл қазір (WTA live ranking) 20-шы орында.
Сыйақы: қаңтар айында қатысқан Брисбэн, Аделайде және Мельбурндағы турнирлерден жерлесіміз 366,000 долларға қол жеткізді.
