Шавкат Рахмонов (19-0) мен Белал Мұхаммад (24-3) арасындағы жартылай орта салмақтағы UFC чемпионы үшін жекпе-жек жаңа орында өтуі мүмкін, - деп хабарлайды Ulyssport.kz Meta-ratings.kz сайтына сілтеме жасап.
Соңғы ақпаратқа сәйкес, UFC басшылығы жекпе-жек өтетін орын ретінде Канаданы қарастырып жатыр. Дәл сол жерде Рахмоновтың әлемдегі ең мықты жекпе-жек ұйымында чемпиондық белбеуді жеңіп алған алғашқы қазақстандық файтер атану мүмкін.
Бұған дейін жекпе-жек Белал Мұхаммедтің туған жері Чикагода өтеді деп болжанған. Дегенмен спортшыларға жақын дереккөздердің айтуынша, қазір бұл нұсқа қайта қаралып жатыр.
Ал Мұхаммед Рахмоновпен мамыр немесе маусым айларында жекпе-жек өткізгісі келетінін айтқан болатын.
Еске сала кетсек, олар 8 желтоқсанда Лас-Вегаста (Невада, АҚШ) өткен UFC 310 турнирінің басты жекпе-жегінде кездесуі тиіс еді, бірақ палестиналық-америкалық боксшы денсаулығына байланысты жекпе-жектен бас тартқан. Оның орнына ирландиялық Йэн Гэрри (15-1) шығып, бес раундтың қорытындысы бойынша негізгі жекпе-жекте отандасымыздан ұтылды. Осы жеңісінен кейін Рахмонов жартылай орта салмақтағы UFC рейтингінде үшінші орыннан екінші орынға көтерілді.
