Бразилиялық футболшы, қазіргі таңда «Сантос» клубының ойыншысы Неймар жазғы трансферлік кезеңде «Барселонаға» қайта оралуды армандап жүр, деп хабарлайды Ulyssport RMC Sport және Ser Catalunya радиостанциясына сілтеме жасап.
Неймар не үшін Еуропаға қайта оралғысы келеді?
33 жастағы шабуылшы еуропалық чемпионатқа қайта қосылып, өзінің бұрынғы деңгейіне жетуді жоспарлап отыр.
Неймар 2013-2017 жылдар аралығында «Барселона» намысын қорғады. Каталондық клубтан кейін ол 222 миллион еуроға «Пари Сен-Жерменге» ауысып, бұл сол уақыттағы әлемдік футбол тарихындағы ең қымбат трансфер атанды.
Қазіргі уақытта Неймар жарақаттардан кейінгі мансабын қайта жандандыруға талпынуда. Егер «Барселонаға» оралу жоспары жүзеге асса, бұл футбол әлеміндегі ең қызықты камбэктердің бірі болмақ.
