Қазақстанның үздік теннисшілері Майамиде (АҚШ) өтетін беделді турнирдің бірінші айналымында жарыстан шығып қалды, деп хабарлайды Ulyssport.kz.
Турнирдің екінші айналымында Елена Рыбакина әлемдік рейтиңде 40-орында тұрған америкалық Эшлин Крюгерге жол берді.
Үш сетке созылған кездесу АҚШ спортшысының пайдасына аяқталды – 6:4, 2:6, 6:4. Кездесу алдында фаворит саналғанына қарамастан, Рыбакина өз мәртебесін растай алмады. Қазақстандық теннисші екінші сетте жеңіске жеткенімен, шешуші партияда бірнеше маңызды қателік жіберіп, қарсыласына жеңісті сыйлап қойды.
Майами турнирі 19-29 наурыз аралығында өтеді, ал оның жалпы жүлде қоры 8 963 700 долларды құрайды. Чемпион 1 124 380 доллар мен 1 000 рейтингтік ұпай иеленеді. Өткен жылы бұл титулды америкалық Даниэль Коллинз жеңіп алған болатын.
2025 жыл әзірге Рыбакина үшін сәтсіз басталды. Қазақстандық теннисші әлі бірде-бір трофей жеңген жоқ, керісінше, жаттықтырушылармен болған жанжалдармен жиі көзге түсуде. Стефано Вуков пен Горан Иванишевичпен арадағы келіспеушіліктерден кейін ол қазір италиялық маман Давиде Сангвинеттимен жұмыс істеп жатыр.
