Астанада теннистен ел біріншілігінің жекелей сында ересектер арасындағы финалдық кездесулері аяқталды, деп хабарлайды Ulysmedia.kz.
ТОЛЫҒЫРАҚ
Ерлер арасындағы финалда 17 жастағы қарағандылық Әмір Омарханов Теміртау теннис мектебінің өкілі Григорий Ломакинмен кездескен.
Бірінші сетте Омарханов 6:1 есебімен сенімді жеңіске жетті, кейін Ломакин арқа жарақатына байланысты матчты жалғастыра алмады.
Осылайша, Әмір алғаш рет ересектер арасындағы Қазақстан чемпионатының жеңімпазы атанды.
Қола жүлде Ислам Орынбасарға бұйырды — оның қарсыласы Тимур Мәуленов медициналық себептерге байланысты кездесуге шықпады.
Еске салайық, бұған дейін Қазақстанның бірінші, әлемнің 12-ракеткасы Елена Рыбакина Вашингтон (АҚШ) WTA 500 турнирінің жартылай финалына шыққанын хабарлаған едік.
