Қазақстан құрамасының мәнерлеп сырғанаушысы Софья Самоделкина Загребте (Хорватия) өтетін халықаралық "Челленджер" сериясының турниріне қатысады, деп хабарлайды Ulyssport.
Спортшының есімі Халықаралық конькимен жүгірушілер одағы жариялаған қатысушылар тізімінде көрсетілген.
Жалпы жарыс тізімінде 49 мәнерлеп сырғанаушы бар. Тағы бесеуі қосалқы спортшылар ретінде тіркелген.
Турнир 3-6 желтоқсан аралығында өтеді.
Айта кетейік, Самоделкина осыған дейін Жапонияның Осака қаласында өткен Гран-при кезеңінде күміс медаль жеңіп алған еді.
