Қазақстанның бірінші ракеткасы Елена Рыбакина Астанада өтетін Билли Джин Кинг Кубогы матчына Қазақстан құрамасы үшін қатысады, деп хабарлайды Ulyssport.kz.
Бұл туралы ұлттық құраманың капитаны Юрий Щукин жазды.
“Біздің құраманың көшбасшысы Елена Рыбакина осы маусымның соңына дейін WTA-ның қорытынды турнирінде ойнауды жоспарлап отыр, ол бұл турнирге жылдың басындағы сәтті нәтижелері арқылы іріктеліп өтті. Қазіргі уақытта Елена өзін жақсы сезінуде және Эр-Риядта сенімді ойын көрсетсе, Корея құрамасына қарсы матчтарға қатысуға нық дайын”, – деп жазды Юрий Щукин.
Қазақстан құрамасында матчқа сондай-ақ Юлия Путинцева, Жібек Құламбаева, Зарина Диас және Анна Данилина шығады.
Еске салайық, Рыбакина 2024 жылы Олимпиада ойындары, АҚШ ашық чемпионаты, Сеул және Ухань турнирлері сияқты бірнеше ірі жарыстарды жіберіп алған болатын.
Ресми себебі – жарақат.
