Қазақстандық спортшылар бадминтоннан Бахрейнде өткен Bahrain International Series II 2024 турнирінде жеңіске жетті, деп хабарлайды Ulyssport.kz.
2024 жылғы Bahrain International Series II турнирінде Қазақстанның қос спортшысы Дмитрий Панарин мен Айша Жұмабек аралас жұп категориясында өнер көрсетті.
Финалда қазақстандық жұп Дмитрий Панарин мен Айша Жұмабек үндістандық Кона Тарун және Шри Кришна Прия Кударавалли жұбымен кездесті. Панарин мен Жұмабек 18-21, 21-18, 21-12 есебімен жеңіске жетіп, аралас жұп категориясында алтын медаль жеңіп алды.
Айта кетсек, аталмыш турнирде Дмитрий Панарин жекелей сында 6 кездесу өткізіп, қола медаль жеңіп алған еді.
Еске сала кетсек, бүгін Оңтүстік Кореяның Санджу қаласында күрес түрлерінен өткен Korea Open халықаралық турнирінде отандық спортшылар алты медаль жеңіп алды.
