Қазақстандық дзюдошы, 2024 жылы Парижде өткен жазғы Олимпиада ойындарының алтын жүлдегері Елдос Сметов Ұлыбританияға аттанды, деп хабарлайды Ulyssport.
Спортшы өзінің Instagram парақшасында әйелімен бірге ұшақ ішінде түскен суретімен бөлісті. Жақындары мен достары оған ақ жол тіледі.
Бұған дейін спортшы ағылшын тілін үйренгісі келетінін айтқан болатын. Тіл білмеуі оған халықаралық жарыстарда үлкен кедергі жасаған.
Айта кетейік, Елдос тіл үйрену арқылы Халықаралық дзюдо федерациясына ағылшын тілінде сұхбат беруді жоспарлап жүр.