Туринде ХХХІІ Дүниежүзілік қысқы Универсиада өтеді. Универсиадаға қатысушыларды Астана әуежайында Қазақстан Республикасы Ғылым және жоғары білім вице-министрі Талғат Ешенқұлов шығарып салды деп хабарлайды Ulyssport.
2025 жылдың 8-9 қаңтарына қараған түні Туринге бірінші болып хоккей құрамасының өкілдері ұшты. Олардың қатарында қысқы Универсиаданың ашылу салтанатында еліміздің туын алып жүретін хоккейші Абылайхан Сүлейменов те бар.
Сондай-ақ, қаңтардың 9-нан 10-на қараған түні Қазақстанның намысын қорғайтын шаңғы жарысынан 16 спортшы мен парашаңғыдан 5 адам Туринге аттанды.
Еске сала кетейік, Италия да өтетін қысқы Универсиадаға қазақстандық 103 спортшы барады.