Астанада 1 ақпан күні Қазақстан таэквондо федерациясы ұйымдастырған "Мұстафа Өзтүрік жұлдызы" жүлдесін тапсыру рәсімі өтеді, деп хабарлайды Ulyssport.
Іс-шарада 2024 жылы таеквондо спортының дамуына зор үлес қосып, биік белестерді бағындырған спортшыларға, жаттықтырушылар мен төрешілерге марапаттар табыс етіледі.
«Мұстафа Өзтүрік жұлдызы» қазақстандық таэквондоның көрнекті өкілдерінің жетістіктерін айшықтап қана қоймай, еліміздегі спорттың дамуының бас үлгісіне айналған ұлы тұлғаның жолын ұрпақ көкейінде жандандыратын жыл сайынғы марапатқа айналмақ.