Александр Бублик жекелей сында Париж Олимпиадасының екінші айналымына шыға алмады, деп хабарлайды Ulyssport.kz
Қазақстандық теннисші бірінші айналымда әлемнің 11-ракеткасы, АҚШ спортшысы Тейлор Фрицке қарсы ойнады.
Осыған дейін қарсыластар өзара бес рет кездесіп, үшеуінде қазақстандық спортшы жеңген екен.
Бұл жолы бірінші сетте Фриц сәтті ойнады – 6:4. Ол екінші сетте де мүмкіндік бермеді – 6:4.
Енді Париж Олимпиадасында Александр Бублик жұптық сында Александр Недовесовпен бірге ойнайды.