WBO және IBF тұжырымы бойынша әлем чемпионы Алимханұлы Астанада француз боксшысымен жекпе-жек өткізеді, деп хабарлайды Ulyssport.
5 сәуір күні Астанада WBO және IBF нұсқасы бойынша әлем чемпионы, қазақстандық боксшы Жәнібек Алимханұлының жекпе-жегі өтеді. Оның қарсыласы – француз боксшысы Анауэль Нгамиссенге. Бокс кеші сағат 17:30-да «Барыс Аренада» басталады.
ТІКЕЛЕЙ ЭФИР
Бұл жекпе-жек Астанада өтетін бокс кешінің басты оқиғасы болмақ. Екі чемпиондық белбеу үшін өтетін айқасты Qazaqstan телеарнасы тікелей эфирде көрсетеді. Ал турнирдің толық бағдарламасын Qazsport телеарнасы ұсынады. Сондай-ақ, жекпе-жекті ESPN+ платформасы да тікелей эфирде таратады.
Жәнібек Алимханұлынан бөлек турнирге Қазақстанның басқа да танымал боксшылары қатысады. Олардың қатарында Торехан Сабырхан, Махмұд Сабырхан, Балауса Мүздіман, Батыржан Жүкембаев, Сұлтан Заурбек және тағы басқалар бар.