Түркістандағы «Түркістан Арена» стадионында әйелдер арасындағы Қазақстан чемпионаты аясында өткен матчта «Томирис-Тұран» мен «Оқжетпес» командалары кездесті. Кездесу өте ірі есеппен – 18:0 нәтижесімен аяқталды, деп хабарлайды Ulyssport.
Бұл ойында ерекше көзге түскен ойыншылар:
Алина Хан бір матчта бес гол соғып, пента-трик жасады,
Медина Нұрланқызы хет-трикпен танылды,
Элина Ирисметова, Айша Садықова және Гаухар Мусина дубль авторы атанды,
Анастасия Тян, Алена Иванова және Жайна Орынбасар бір-бірден гол соқты,
Ал Адель Бектасова кездесу барысында өз қақпасына автогол соғып алды.
Алайда осындай ірі жеңіске қарамастан, «Томирис-Тұран» екі турдан кейін бар болғаны 4 ұпай жинап, турнирлік кестеде үшінші орында тұр. Ал көш басында 6 ұпайдан жинаған «БИИК-Шымкент» пен «Ақтөбе» командалары орналасқан. «Оқжетпес» турнирлік кестенің ең соңғы сатысында келеді.