Семсерлесуден Қазақстан ерлер құрамасы әлем чемпионатының қола медалі үшін таласады, деп хабарлайды Ulyssport.
Тбилиси (Грузия) қаласында өтіп жатқан әлем біріншілігінде спортшыларымыз командалық сынның жартылай финалына дейін жетті.
Жартылай финалда Кирилл Проходов, Руслан Курбанов, Вадим Шарлаимов пен Эльмир Әлімжанов Париж-2024 Олимпиадасының күміс жүлдегері Жапония құрамасына есе жіберді.
Кездесу 42:41 есебімен қарсыластардың пайдасына аяқталды. Айта кетерлігі, отандастарымыз жекпе-жектің соңына дейін басымдыққа ие болғанымен, жапониялықтар есепті теңестіріп, соңында жеңісті жұлып алды.
Қола медаль үшін Қазақстан құрамасы Венгрия – Франция жұбының жеңіліс тапқан командасымен кездеседі.