Елена Рыбакина Канадада өтіп жатқан WTA 1000 санатындағы турнирдің ширек финалына жолдама алды, деп хабарлайды Ulyssport.
ТОЛЫҒЫРАҚ
Қазақстанның бірінші ракеткасы төртінші айналымда украиналық Даяна Ястремскаяны (WTA рейтингінде 35-орында) 5:7, 6:2, 7:5 есебімен жеңді. Кездесу 2 сағат 33 минутқа созылды. Осы уақыт ішінде Рыбакина 7 эйс жасап, 9 қос қателік жіберіп, 9 брейк-пойнттың 5-ін сәтті пайдалана білді.
МАТЧТАН КЕЙІН
– Бұл өте маңызды жеңіс болды. Даянамен ойнау оңай болған жоқ. Ол өте жақсы өнер көрсетті. Матчты жеңгеніме қуаныштымын, енді келесі кездесуді асыға күтемін, – деді Рыбакина матчтан кейін кортта берген сұхбатында.
Елена енді жартылай финал жолдамасы үшін тағы бір украиналық спортшы Марта Костюкпен сарапқа салады.
